Adnosna niadaŭna, adnosna niedaloka adsiul

Zalez na by_movu pa rekamendacyi z google-čytałki (darečy, i vam rekamenduju: pieršyja dźvie častki vialikaj pracy Ź. Saŭki ŭ Arche ), i paškadavaŭ: u kamentaroch zamiest dyskusii vykazvańni  niejkich šyzikaŭ. A ja dumaŭ, narešcie budzie cikavaja dyskusija!

Pahartaŭ paru dopisaŭ nazad na toj by_movie, i nie škaduju, što niekatory ŭžo čas nie čytaju hetaj community (aha, как вы лодку назовете, tudy j prypłyviocie). Lepiej jaje prahladać hurtova: raz na miesiac ci na niekalki miesiacaŭ. Kab z asnoŭnymi symptomami j tendencyjami znajomicca. Zaŭždy para-trojka cikavych temaŭ znojdziecca. Nu j zadumacca jość čas. Ale lepiej nie čytać kamentaroŭ…

Niekali ŭ niamiłaści “zvyčajnaha usera” była tolki łacinka, a siońnia, vyhladaje, u apale j taraškievica. Jaje prosta zakidvajuć svaimi “kamentami” jak šapkami.

I kamentatary hetyja nie biarucca z KDB, i heta  (vybačajcie, kali ja razburaju vašyja teoryi) nijakaja nie ruka Maskvy. Heta maskva ŭ hałovach daje taki plon. Jana praklunułasia, prarasła, zakałasiłasia.

Adnym “prychilnikam biełaruskaj movy” łacinka pieraškadžaje, druhich “zadziaŭbło čytać pra pravapis”, trecija aburajucca na prychilnikaŭ taraškievicy, što tyja razbazaryvajuć movu zamiest taho, kab pryčynicca da jaje papularyzacyi.

Voś, padumałasia, “Rydziela na ich niama”…